Şirkətimiz “Baku Steel Company” ilə 10 il ərzində davamlı və etibarlı əməkdaşlıq həyata keçirmişdir. Bu müddət ərzində müxtəlif miqyaslı layihələrdə iştirak edərək, yüksək keyfiyyət standartlarına və texniki tələblərə uyğun geniş çeşiddə tikinti və mühəndislik işləri yerinə yetirmişik.

Əməkdaşlıq çərçivəsində dəmir-beton işləri, metal konstruksiyaların hazırlanması və quraşdırılması, təmir-tikinti, yenidənqurma, montaj və digər ixtisaslaşmış tikinti işləri uğurla icra olunmuşdur.

Uzunmüddətli əməkdaşlığımız peşəkarlıq, məsuliyyət, işlərin vaxtında və keyfiyyətlə təhvil verilməsi prinsipləri üzərində qurulmuşdur. “Baku Steel Company” ilə 10 illik əməkdaşlıq təcrübəsi şirkətimizin iri sənaye müəssisələri üçün kompleks tikinti həllərinin həyata keçirilməsində etibarlı tərəfdaş olduğunu göstərən mühüm layihə təcrübələrindən biridir.